影片
更多
2018-04-21
81 浏览
呢间餐厅系朋友介绍嘅，话想食一啲高档少少嘅印度菜可以嚟呢度。入到餐厅都几有气氛。餐厅唔算好大，入到餐厅就会见到bar枱，见在场大部份嘅客人亦都会点酒。坐低左一阵未点菜，老板已经拎咗一盘印度常见嘅前菜 - 香料胡椒饼嚟，非常好客。除咗一般会有嘅印度咖喱之外，呢度仲可以叫pizza，意粉等西餐。于是我哋叫咗玛格丽塔薄饼(优质水牛芝士配鲜番茄酱) ($118)，Dal Fry (拌茴香，洋葱，大蒜，蕃茄，黄小扁豆)($98)配Garlic Naan($32)。话明系高级啲嘅印度菜，贵得嚟份量系少啲嘅😂$32都系一人得半块naan。虽然系咁，个naan出色嘅，薄饼表面香脆内里软身。薄饼如果做得唔好，就会有面粉嘅寡味。至于呢度嘅naan，既有面包香同啖啖蒜蓉香味，最重要系食完都唔觉得自己口臭。值得一赞嘅系，卖相真系好靓，又唔油又唔脓。Dal Fry 非常真材实料，味道浓郁，食得出有扁豆蓉嘅口感。茴香味道突出，咖喱有姜味嘅点缀锦上添花。辣度对于香港人尚可接受。期间老板见我哋唔饮酒，就主动斟左杯mint and lemon water俾我地，后来仲亲自炮制左杯菠萝味cocktail，逐枱请我哋饮酒，
入到餐厅都几有气氛。餐厅唔算好大，入到餐厅就会见到bar枱，见在场大部份嘅客人亦都会点酒。
坐低左一阵未点菜，老板已经拎咗一盘印度常见嘅前菜 - 香料胡椒饼嚟，非常好客。
除咗一般会有嘅印度咖喱之外，呢度仲可以叫pizza，意粉等西餐。于是我哋叫咗玛格丽塔薄饼(优质水牛芝士配鲜番茄酱) ($118)，Dal Fry (拌茴香，洋葱，大蒜，蕃茄，黄小扁豆)($98)配Garlic Naan($32)。
话明系高级啲嘅印度菜，贵得嚟份量系少啲嘅😂$32都系一人得半块naan。虽然系咁，个naan出色嘅，薄饼表面香脆内里软身。薄饼如果做得唔好，就会有面粉嘅寡味。至于呢度嘅naan，既有面包香同啖啖蒜蓉香味，最重要系食完都唔觉得自己口臭。值得一赞嘅系，卖相真系好靓，又唔油又唔脓。
Dal Fry 非常真材实料，味道浓郁，食得出有扁豆蓉嘅口感。茴香味道突出，咖喱有姜味嘅点缀锦上添花。辣度对于香港人尚可接受。
期间老板见我哋唔饮酒，就主动斟左杯mint and lemon water俾我地，后来仲亲自炮制左杯菠萝味cocktail，逐枱请我哋饮酒，认真好客。
最后系优质水牛芝士配鲜番茄酱pizza。芝士非常之够，铺满左成个pizza。不过鲜蕃茄酱就因为咁好似唔系好够。如果有多少少番茄酱平衡翻芝士嘅肥腻感就perfect 。
张贴
