影片
更多
2022-06-28
346 浏览
🍸Club Albergue 1601 🔍铜锣湾勿地臣街1号时代广场食通天11楼1105号舖-----收工去铜锣湾湿平，喺时代广场买完波鞋之后，顺道黎食通天呢边拣间人流多嘅餐厅坐下休息。.步入餐厅内部，先发现餐厅比出面睇嘅大好多，有露天位置，亦有吧台位、坐台位，梳化卡位等等。梳化位有大量Cushion，非常柔软，正适合行完街好攰嘅时候坐。服务员态度很不错，餐牌以西餐同酒品🥂为主，可惜前几日肠胃炎完唔饮得，如果唔系其实餐厅饮酒个气氛几好。✨1601招牌意大利饭（$268）佢地有好几款🇮🇹意大利饭，见到呢一款写招牌，就order返个试一试佢。一片橙橙黄黄，暖色系嘅Risotto，貌相精致诱人。材料有鱿鱼、大蚬、芦笋、🍅风干蕃茄、菠菜，同埋三种混合芝士（马斯卡彭软芝士、巴马臣芝士、蓝芝士）。整体味道调味开胃，芝士浓而不腻，米粒带嚼劲，几有咬口。🍝香蒜辣椒意粉（$158）🦆香煎法国鸭肝伴八珍甜醋汁（$168）朋友仔话想食鹅肝意粉，由于餐牌无呢个选择，我地就自行order咗呢两样野，配搭咗“鹅肝意粉“出黎😆。香蒜辣椒意粉加入橄榄油烹煮，蒜香突出，再配以微微辣黎提味，意粉条条软硬适中，出乎意料地冇
🔍铜锣湾勿地臣街1号时代广场食通天11楼1105号舖
-----
收工去铜锣湾湿平，喺时代广场买完波鞋之后，顺道黎食通天呢边拣间人流多嘅餐厅坐下休息。
.
步入餐厅内部，先发现餐厅比出面睇嘅大好多，有露天位置，亦有吧台位、坐台位，梳化卡位等等。梳化位有大量Cushion，非常柔软，正适合行完街好攰嘅时候坐。
服务员态度很不错，餐牌以西餐同酒品🥂为主，可惜前几日肠胃炎完唔饮得，如果唔系其实餐厅饮酒个气氛几好。
✨1601招牌意大利饭（$268）
佢地有好几款🇮🇹意大利饭，见到呢一款写招牌，就order返个试一试佢。一片橙橙黄黄，暖色系嘅Risotto，貌相精致诱人。材料有鱿鱼、大蚬、芦笋、🍅风干蕃茄、菠菜，同埋三种混合芝士（马斯卡彭软芝士、巴马臣芝士、蓝芝士）。整体味道调味开胃，芝士浓而不腻，米粒带嚼劲，几有咬口。
🍝香蒜辣椒意粉（$158）
🦆香煎法国鸭肝伴八珍甜醋汁（$168）
朋友仔话想食鹅肝意粉，由于餐牌无呢个选择，我地就自行order咗呢两样野，配搭咗“鹅肝意粉“出黎😆。香蒜辣椒意粉加入橄榄油烹煮，蒜香突出，再配以微微辣黎提味，意粉条条软硬适中，出乎意料地冇咩酱汁嘅意粉都几好食。香煎法国鸭肝则外脆内软，火喉控制恰到好处，加上八珍甜醋，食完唔会觉得油腻饱济。
张贴
