影片
更多
2016-12-22
1001 浏览
继前两星期行完薄扶林水塘家乐径，今次再同老友入粉岭行流水响郊游径，天清气爽，行山真喺好正、好舒服。友人揸车，直达起点，减少交通、转车时间，麻烦晒！所以，午餐就出返尖沙咀食，而依几日天气冻咗，真正有番啲冬天嘅感觉，故一于食番铺涮涮锅。选址The One嘅牛气，一来食过有信心啲，二来商场有两个钟免费泊车。餐厅铺位几长几深，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。午市有多种套餐选择，「午市精选套餐60分钟放题」就最抵食，由$88到$188，指定肉类或海鲜（约100克），再加配菜、饮品、甜点自助放题，唔喺食肉兽嘅就啱晒，不过只限星期一至五（公众假除外）。星期六、日、公众假嚟到，就可以拣「午市90分钟放题优惠」，由$128-$288共5款价位选择，质素就一分钱一分货啦，餐内全部肉类或海鲜无限制添加任食，其他配菜、饮品、甜点自助放题照有，唯一注意同枱所有人要点同一价位套餐。先睇睇有咩汤底，分别有7款，北海道昆布、蕃茄浓汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色。原来，依家仲可以加$10变成鸳鸯汤底，划算到极，结
餐厅铺位几长几深，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。
午市有多种套餐选择，「午市精选套餐60分钟放题」就最抵食，由$88到$188，指定肉类或海鲜（约100克），再加配菜、饮品、甜点自助放题，唔喺食肉兽嘅就啱晒，不过只限星期一至五（公众假除外）。
星期六、日、公众假嚟到，就可以拣「午市90分钟放题优惠」，由$128-$288共5款价位选择，质素就一分钱一分货啦，餐内全部肉类或海鲜无限制添加任食，其他配菜、饮品、甜点自助放题照有，唯一注意同枱所有人要点同一价位套餐。
先睇睇有咩汤底，分别有7款，北海道昆布、蕃茄浓汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色。原来，依家仲可以加$10变成鸳鸯汤底，划算到极，结果就拣咗蕃茄浓汤及三文鱼味噌汤，前者蕃茄味超浓郁。
如大多数涮涮锅，点选好指定肉类或海鲜类套餐后，其他嘅配料就可以晌餐厅正中央嘅食物区任攞。有啲咩食？凭印象加相片辅助，大概有：芋丝、芝士肠、云耳仔、呜门卷、蕃茄、粟米、大葱、鱼蛋、娃娃菜、莲藕片、秀珍菇、白萝卜、南瓜、银芽、冬瓜、鲜冬菇、翠玉瓜、金菇、油麦菜、豆卜、饺子、公仔面、拉面、乌冬、荞麦面、薯粉……等等。
另一边嘅冻柜，放满多款汽水自由取用，侧旁更备有啡茶，怕生冷又健康少少，玄米茶或冻顶乌龙喺理想选择。
此外，有煲冬菇蟹肉素翅，不过，就唔见曾光顾过旺角店咁有啲寿司小食，可能喺午市就唔搞咁多嘢，但趁汤底未滚起时，顶一顶肚食碗素翅都唔错。
沙律之但喺，餐前小弟就较喜欢食啲开胃嘢，所以拣咗沙律。一盘沙律菜，加几款配料及两款酱汁，唔可以跟自助餐嘅规模比，但有点醒胃蔬菜落吓肚就够喇！餐前开开胃，可以加强战斗力。
食涮涮锅如打鞭炉，好多人对酱料都好睇重，但小弟就偏向食番食材嘅原咪，酱料都喺纯粹过吓口瘾，但点都介绍一下。「混酱」区晌入门口左边当睇处，有日式酱油、酸汁、胡麻酱、辣椒、炸蒜、辣椒萝卜蓉、长葱、七味粉。小弟就特爱以炸蒜、长葱配胡麻酱！
既然食午市比晚市平，加上老友都算喺旅游日本嘅达人，经常食好嘢，对食材质素喺有要求嘅人，所以，拣严选澳洲和牛套餐，$288包澳洲和牛、牛小排、牛肩肉、牛胸腩肉、多款海鲜、豚肉、鸡肉及三文鱼刺身任食任涮。
挪威三文鱼刺身刺身唔喺今日所食嘅目标，但套餐包又送到上枱，食得就唔好嘥。挪威出品自己唔会差得去边，色泽鲜艳有光泽，入口油润鲜味，唔错。
严选澳洲和牛油花分布细密而平均，如雪花段绵密细腻，片片切得薄，轻轻灼几秒就够，入口真喺满口脂香，又不失肉味。
极上美国牛小排色泽比起澳洲和牛深，纹理清晰，但脂肪亦唔少，故口感一样柔滑，油脂感无咁重，但肉味浓，所以，友人钟意佢多过上面嘅澳洲和牛。
极上美国牛肩肉、严选美国牛胸腩肉牛肩肉感觉偏向似牛小排，无咁多油花，入口脂香无咁重，但肉味绝不逊色。而牛胸腩肉则侧似似哋平时食牛肉咁，油脂相对喺最少。所以，几款肉都有唔同特性，正所谓各有所长。
海鲜拼盘先嚟一份大海虾、纽西兰青口、日本鱿鱼及加拿大翡翠螺，唔够喉可以再点。海鲜质素真喺正㖞，尤其大海虾，够大够爽，味道鲜甜；青口、鱿鱼及翡翠螺亦不俗，所以，整体海鲜食得出用料不赖。
特级美国豚腩肉豚腩肉切得薄到透光，脂肪唔太多，虽然喺猪肉，亦唔需要灼太耐，啲豚腩肉估唔到几嫩滑，配三文鱼味噌汤效果唔错㖞。
精选巴西鸡腿肉鸡腿肉灼过后，肉质意外咁嫩嫩滑滑，一啲都唔嚡，又啖啖肉，皮下脂肪亦十分之少，沾炸蒜搭胡麻酱，非常惹味。
涮啲肉类、海鲜期间，我咃都食唔少蔬菜嚟平均番吓，真喺一碟又一碟蔬菜架。详细就唔晌度唔多讲，总之就样样食啲，而啲蔬菜都颇新鲜。
放酱料张食物枱尾，仲有白饭、炒饭及咖喱牛肉，啱晒啲「饭桶」，不过，小弟就留肚食番啲甜点，所以，影低相做个记录，试就无试，味道如何就不得而知。当然，上述提过嘅公仔面、拉面、乌冬、荞麦面、薯粉等亦都无帮衬。
甜品饮品个冻柜放咗啲甜品，沙律枱上方亦都有啲，全部夹埋大概6、7款左右，款款都做得的的骰骰，试咗当中4款：焦糖蛋糕、牛乳布甸、泡芙及红豆麻糬，始终甜品唔喺佢哋重点，质素只可以评为不过不失，纯过吓口瘾都OK嘅。
绿茶软雪糕甜品或者普普通通，但个软雪糕真喺几好食，成部雪糕机摆晌度等你慢慢搞，有原味及绿茶口味。啲软雪糕颇软滑，既有牛奶香，又有绿茶味，个雪糕筒亦好脆口，所以，一个人独占食晒佢。食完，真喺咩燥热都无晒。
藉机分享埋少少流水响郊游径之旅，成条径4.4公里，约需2小时，不过，中段喺大斜路，超过30°、40°不断上斜，行大概半粒钟，叫做辛苦多少少，但一啲都唔难。其中，流水响水塘有一边嘅林木，景观几靓。（注：多谢友人嘅四叶妹妹又做住特约模特儿！）
基本上个涮涮锅90分钟都够晒时间食，但由于我哋行完山过去都比较晏，食完剩低嘅客人都唔多，所以，都任得我哋坐晌度倾偈，无话要赶你走。此外，整体嚟讲，服务、食物补充……等都好到位，食材质料又有番咁上下！天朗气清行完山好舒服，又食咗一顿超丰富嘅午餐，真喺好戏连场。
张贴
