Ben哥米線 (已結業)

话说妈妈整到只脚要去睇跌打，睇完已经差不多八点，咁我就同妈妈提议去食米线，我仲同佢讲喺美孚都有分店，好好味，我同D同事成日去帮衬，食到D职员都认得我添。咁当然妈妈就紧系无所谓啦！入到去好多张枱都系无食客，但张张枱都有D污糟未清洁好，揾到张枱叫做干净少少，咁我同妈妈就坐低睇餐牌。妈妈点咗小锅米线，配料就要墨鱼丸、猪皮、菜心；而我就点咗酸辣米线，配料点咗猪肠、猪软骨、墨鱼头。两碗米线好快上到，但妈妈𠮶碗一放低我就见到有条虫喺到，虽然明白菜系有机会有菜虫，但妈妈𠮶碗系清汤，而条虫都浮喺面都几明显，点解唔整走佢先呢？！而我𠮶碗，失望到一个点！平时喺美孚食开嘅猪软骨嘅骨系软淋淋，呢到嘅软骨，系明显一旧骨！墨鱼头系冻嘅？！新蒲岗呢间请我都唔会再去！