Owl’s Stage (已結業)

今日出旺角买野，食埋野至返屋企，餐厅位置旺中带静，四周放满成双成对既猫头鹰，感觉温馨！好啱同男朋友或者闺蜜嚟食野。我地叫咗一个set，再单点小食。吞拿鱼碎蛋沙律好俾货，份量好多，有唔同品种嘅新鲜沙律菜之余，上面仲有吞拿鱼碎蛋，有惊喜！香煎比目鱼扒配干葱白酒忌廉汁既比目鱼份量足，煎得刚刚好，鱼皮煎到香脆，而鱼肉仲保持Juicy嫩滑。第一次试干葱白酒忌廉汁，味道好特别，同比目鱼几夹，唔会太漏。蒜香牛油汁鲜鱿鱼青口车里茄意粉食落唔会干身，而且鲜鱿同青口都几新鲜，赞！自家制鲜忌廉薯蓉非常香滑，加左忌廉但唔会食到漏，入面有黑椒碎，带起左薯蓉味道，有唔同层次。至于柚子蜜糖鸡翼就香气十足，而且鸡翼食落啖啖肉，正！饮品方面，番茄汤酸酸地好开胃，热柠茶就啱哂呢两日凉凉地既天气饮。