阿元來了 (已搬遷) 新店位置

𠮶日同Mr. C肚子饿，决定过黎食个下午茶。以为会冇咁多人，点知我错了。都系好多人，排队。好彩都唔算好长龙，等咗大概20分钟啦。点解我觉得呢树温馨？佢既装修好特别，又有好多温馨提示等等；佢既店员好有礼貌，好愿意讲解menu上既问题；佢哋店员之间都好融洽咁有讲有笑。因为系下午茶既关系，我同Mr. C都净系叫咗一人一碗野食同埋一杯饮品share。(入座每人最低消费$35元） 鲁肉饭　HK$29我真心觉得呢个鲁肉饭好味。鲁肉铺满饭面，好足料。啲鲁肉肥瘦得宜，炆得好入味，又够淋。啖啖肉。佢哋用既系珍珠米，米身一粒粒，不会太淋亦唔太硬身。台南担仔面 　HK$35呢个系Mr. C点既。我个人觉得就普通左少少。味道唔特出。份量又真系唔系得几多咁。唯一可赞既系佢只虾好爽。相对鲁肉饭，比较逊色。胚芽奶茶 　HK$25ok好味，正常。我如果下次黎会想试其他既野食。因为真心想睇下点解都仲咁多人。始终好多我想试既都冇（例如花枝丸，芝士蛋饼，等等）。如过净系黎食鲁肉饭，要排咁耐队就要再睇睇啦。