影片
更多
2019-02-09
290 浏览
朋友食过呢间餐厅两次 佢话价钱合理而且味道唔错所以我地就黎左。去到嘅时候好多人喺度等位，因为今日星期五，最后等左一阵先入到去，早知记得早d 订台！😂餐厅走工厂风型格路线，全场几乎满座，里面有个大mon，播电影，有普通台，有bar 台位，直对落地大玻璃，见到成条繁华嘅弥敦道。😆我哋拣咗个二人餐，$298，好想食威灵顿牛柳 所以加左$ 138🙈 先黎个餐汤，超浓郁菠菜味，好多菠菜蓉，好清新嘅感觉🤤👍🏻芝麻酱和风沙律 酱汁酸酸地超开胃，上面仲有健康嘅藜麦同埋粟米粒。叫左两个小食，水牛城鸡翼，炸到好香脆，少少微辣，点埋酸酸甜甜甜嘅酱汁，好满意呢个味道！🤤芝士肉酱焗薯条 面上铺满芝士肉酱，多到可以拉丝! 薯条系粗薯条 入面厚厚嘅薯蓉😆 天使野菌沙巴翁忌廉意大利饭 好香嘅忌廉芝士味 呢个系素食朋友点嘅，粒粒沾满忌廉汁，配合好清香嘅野菌。威灵顿牛柳 脆脆嘅酥皮包住五成熟嘅牛柳，肉质松软，咬落超级juicy，牛肉味超香浓，点上旁边嘅汁，配合简直一流。而且酥皮与牛柳中间有层野菌，令口感更为丰富，一食外皮酥脆，内里松软，念翻起都流哂口水😭❤️另外，亦加了一份慢煮顶级安格斯肉眼排，味道当然不及威灵顿牛柳，但尚
餐厅走工厂风型格路线，全场几乎满座，里面有个大mon，播电影，有普通台，有bar 台位，直对落地大玻璃，见到成条繁华嘅弥敦道。😆
我哋拣咗个二人餐，$298，好想食威灵顿牛柳 所以加左$ 138🙈
先黎个餐汤，超浓郁菠菜味，好多菠菜蓉，好清新嘅感觉🤤👍🏻
芝麻酱和风沙律 酱汁酸酸地超开胃，上面仲有健康嘅藜麦同埋粟米粒。
叫左两个小食，水牛城鸡翼，炸到好香脆，少少微辣，点埋酸酸甜甜甜嘅酱汁，好满意呢个味道！🤤
芝士肉酱焗薯条 面上铺满芝士肉酱，多到可以拉丝! 薯条系粗薯条 入面厚厚嘅薯蓉😆
天使野菌沙巴翁忌廉意大利饭
好香嘅忌廉芝士味 呢个系素食朋友点嘅，粒粒沾满忌廉汁，配合好清香嘅野菌。
威灵顿牛柳
脆脆嘅酥皮包住五成熟嘅牛柳，肉质松软，咬落超级juicy，牛肉味超香浓，点上旁边嘅汁，配合简直一流。而且酥皮与牛柳中间有层野菌，令口感更为丰富，一食外皮酥脆，内里松软，念翻起都流哂口水😭❤️
另外，亦加了一份慢煮顶级安格斯肉眼排，味道当然不及威灵顿牛柳，但尚算够牛肉味，而且好大块，成块面咁大，过一过食肉嘅口瘾😆
除了饮品，套餐还有雪糕作甜品，系movenpick！ 有朱古力，云呢拿，士多啤梨味，布甸味可以拣🤤
张贴
