和拉麵

营业中

休息中

餐厅只有三款拉面，分别系豚骨原味拉面($75)，辛辣拉面($80)和味增拉面($80)。拉面方面，Order纸上，除了可以选择边一款拉面汤底外，还可以选择汤底的浓度，葱、蒜蓉多少和面的硬度。而且餐牌上写明系坚持正宗日本博多系豚骨拉面，汤底经大火超过10小时熬制而成，无添加，浓而不腻。我叫咗一碗辛辣拉面，小辣，有叉烧，面底拣咗普通硬度，其他配料都系正常份量！叉烧都几大块，而且好滑，肥瘦适中，入口即融！汤底先系精髓，浓郁香醇，加少少辣味好开胃！佢自家嘅辣芽菜可以任添，更加惹味！味噌拉面，汤底用咗十个钟熬制而成，好够浓郁，味噌味好突出，面身拣咗普通，食落有咬口，同样挂汤。鱼手指炸得好香脆，内里鱼柳好足料又香，好高质。另外见到老板每一个客人入场离场都会同客人打招呼，感觉好有人情味。