二少門 (已結業)

知道出名係好濃嘅蝦湯，不過我唔食蝦所以點咗牛寶寶🐮湯麵。佢可以揀麵要軟身定硬身。我就揀咗要軟身啲～出餐都好快，聞到好香嘅牛油味～有牛腩同牛肩肉。每塊都好大片！啖啖肉同埋真係好香，好重牛肉味。仲有隻糖心蛋同埋啲蛋絲、紫菜絲。湯底偏油，我估因為牛嘅關系？但唔好太咸，不過都飲幾啖就算～麵身雖然揀咗軟身，但我覺得係適中嘅口感，都幾好咬口同埋好滑。個麵身意外地好食！有啲似北京拉麵個種。本身以為係粗身嘅麵但食食下又發現有幼身嘅，應該係手工嘅關係？雖然佢要排隊，但排得快。大家都快食快走，我可覺可以再去幫襯$88一碗無收加一。咁大碗又飽肚都算係咁！