港澳義順牛奶公司 (已結業)

又到下午茶时间喇，今日趁老细未返公司，趁机偷懒一下，同同事出去办事就顺便揾食，今日我地目标好一致，去义顺食双皮奶，淋起就吞口水喇，好耐无食过喇。老字号嘅店面通常唔大，而且出名嘅就肯定要排队，我地点左个猪扒包，一个人食会觉得有D饱，我地一个包两个人SHARE，现点现做的好处就新鲜，猪扒好大旧，面包又烤得够硬身，好食，最好系两个食一个，再加一个甜品就刚刚好。姜撞奶姜味好重，都几辣，如果唔接受太重姜味嘅 朋友就无点呢个喇，但中意姜嘅朋友就觉得好正，姜味重又加奶香，同埋真系好滑。我要嘅系红豆双皮奶，系呢度我最中意食嘅甜品，红豆煮得好淋，又唔系好甜，双皮奶好滑，奶味好香醇，入口即溶，朋友仔一定唔可以错过呢个。