影片
更多
2005-03-26
3 浏览
成日听人讲呢间野d鱼生抵食夹大件，今晚顺路去见识下。因为未够六点就去到，唔驶等位，不过如果迟15分钟都要等，真好彩!两个人叫左什锦刺身($138)牛油金菇($3x)牛仔骨饭($44)同埋软壳蟹手卷($23)。一上个刺身就知"奶"野，因为真系大到无轮，一定唔止餐牌上写的十八件。有海胆、带子、剑鱼腩、三文鱼、吞拿鱼、北寄贝同油甘鱼(而家谂起都有d想呕....)件件等如人地两件咁滞!!!!!我都系第一次食刺身会食剩，真系哽唔落，唔系饱咁简单，系有d"意腻"!个软壳蟹手卷又系大到呕，成只蟹"突"晒出黎，女仔食一个都饱。不过d饭仲系热，有d怪。至于个金菇，我估落左四、五包去炒，食极都食唔完。牛仔骨饭亦都有成七、八块牛仔骨。我男友边食边话个老细一定系中左六合彩!当见埋隔离位的沙律、甜蛋寿司、仲有成廿几只一碟的虾刺身($55only,好似去钓鱼咁)，就真系睇到我地眼"突突"!抵就系极抵食，多d人去会好好多，起码可以食多几样野。不过就坐得唔系几舒服，劲搭，好迫下。会唔会再去呢?呢一刻真系唔识谂，可能三文鱼上左脑....
两个人叫左什锦刺身($138)牛油金菇($3x)牛仔骨饭($44)同埋软壳蟹手卷($23)。一上个刺身就知"奶"野，因为真系大到无轮，一定唔止餐牌上写的十八件。有海胆、带子、剑鱼腩、三文鱼、吞拿鱼、北寄贝同油甘鱼(而家谂起都有d想呕....)件件等如人地两件咁滞!!!!!我都系第一次食刺身会食剩，真系哽唔落，唔系饱咁简单，系有d"意腻"!
个软壳蟹手卷又系大到呕，成只蟹"突"晒出黎，女仔食一个都饱。不过d饭仲系热，有d怪。
至于个金菇，我估落左四、五包去炒，食极都食唔完。牛仔骨饭亦都有成七、八块牛仔骨。
我男友边食边话个老细一定系中左六合彩!
当见埋隔离位的沙律、甜蛋寿司、仲有成廿几只一碟的虾刺身($55only,好似去钓鱼咁)，就真系睇到我地眼"突突"!
抵就系极抵食，多d人去会好好多，起码可以食多几样野。不过就坐得唔系几舒服，劲搭，好迫下。
会唔会再去呢?呢一刻真系唔识谂，可能三文鱼上左脑....
张贴