玉庭

上星期一家人去沙田帝都酒店“玉庭”食新推出主要食蟹🦀嘅套餐😋，其实以往一向食开佢嘅套餐都好有水准👍因个人很喜欢食🦀所以一睇到个Menu就去订位。整个套餐计埋甜品有9个𩠌，其实每一个𩠌都好好食👍👍，份量又够。 特别我至爱😍系𠮶个海皇烩雪燕(好足料又好味但忘记📸😅)、干煎大🦐碌(够大只有口感又新鲜)、蟹盖蒸糯米🍚啲蟹膏同蟹肉入埋啲饭到(好香)，跟住就系主菜“肉蟹”(有4种煮法可选择)，我选咗传统煮法“姜葱”，食开蟹🦀嘅人都知掂唔掂😋。整体嚟讲，全部都无得弹🤔，因为又包埋每人一个饮品。个姜汤汤圆好够姜😝(食蟹惊寒凉啱哂😉)。唯一可改进就系第一个𩠌嘅蟹枣，唔够弹牙。如果以呢个价钱可以食其他酒家或集团酒楼，但真系未必有咁👍嘅水准🏆。如果未试过玉庭嘅大厨水准，不妨试吓😉。同埋一大班人可以系静啲环境到倾吓💬，唔会好似一般酒楼到咁嘈吵。