武士拉麵 (已結業)

前𠮶排有个朋友话喺尖沙咀有间几好味嘅拉面店，前两晚见有啲时间就特登去𠮶度试吓佢哋嘅拉面。去到𠮶度见到要排一阵队，就觉得应该系真系几好味。间铺头出边有佢哋拉面嘅说明图。入到店里面有一种温馨嘅感觉，师傅系你面前问我食啲乜，如果唔知道食乜好，师傅会好有善，好有心机咁，解释俾我哋知。啲服务员态度都好亲切。我点左一个真田将军拉面（猪软骨拉面）加蛋，我朋友点左九州地狱（辛辣地狱拉面）。系等待个面嘅时候我见到枱上面有唔同嘅调味品觉得最特别嘅呢就系个黑椒辣油。所以我就问佢点样食啦师傅话俾我知，个辣油系要大大羹连埋一堆黑椒放入口咀嚼。我本人觉得个黑椒由连埋啲黑椒一齐摆入口食系几食架，因为个黑椒油有好浓好香嘅黑椒味，而且好有赵口。个辣椒油都唔错。个真田将军拉面个汤底有鱼香味，浓得来又带啲清甜，一啲都唔腻。果旧猪软骨真系好好味，啲肉得非常之冧，而且好有肉味，连啲软骨同筋都煮得好冧，同入味。啲拉面好特别，同出面啲拉面条有啲唔一样，而且口感唔错。个蛋煮得都好好味，个黄溶溶地，入口香甜。而且＄10只都唔贵。个九州地狱（辛辣地狱拉面）都几辣，正。有啲似辛辣面再香辣啲，甜啲同香浓啲。𠮶个叉烧非常难得因为有黑椒喺面，而