發記甜品 (已結業)

同老婆仔及屋企人系附近食完烧鹅，谂住走人。点知道俾老婆仔捉咗入呢间发记食番个甜品先，叫咗个芒果班戟，同埋朱古力心太软。当然个芒果班戟首先有得食，好香嘅芒果，正吖，食完啦。但系个朱古力心太软仲未到，因为要即刻整嘅关系，所以要多小小时间，等咗大约20分钟，终于等到啦……!好香嘅朱古力味，一切开……好多朱古力流出黎，超级正吖。个环境又几好，唔太嘈，2个人仲可以慢慢倾下计。可能时间仲早啦，无乜人，走嘅时候门口就有巴士，小巴。值得推介。