韓流村 (已結業)

早一个星期就订定位食酱油蟹，餐厅门口较细，有啲难揾。见到呢个牌，行落地牢就系餐厅啦先上酱油蟹，两只蟹四个人食刚刚好，第一次食生蟹，估唔到咁鲜甜，肉质同个壳都好淋，啲汁有啲咸，用黎送饭食平衡番个味道。不错因为我中意食海鲜，第二样值得推介嘅系烧带子，四只带子size大到铺满成块铁板，大约烧几分钟，等待期间可以食住炉边蛋先(蛋浆任添)，待带子可以轻易『离壳』就食得，带子好新鲜，啖啖肉，好想叫多一round再食，不过要留肚食其他食物。唔好以为得咁少野食，其实仲有牛筋骨，猪腩肉等等摆左系一边。餐厅座位有啲逼，抽烟功能尚可改善，可能因为系地牢，啲韩烧味散唔到，食完成身味道离开。侍应不够醒目，不会自动问我地是否要加蛋和菜，要举手叫好耐先有人应。