影片
更多
2022-10-12
102 浏览
呢间野听就听得多，今日终于约左朋友黎试喇～今日平日夜晚去，ｄ座位都算几阔落，一入去就有位喇！例牌一坐底试试个刺身先，分别叫左五块三文鱼腩同舌拿鱼。个三文鱼腩劲肥劲正，食落好有油香。吞拿鱼就正正常常啦，几厚切既！小食方面，我地叫左胡椒猪肚汤煮蚬同埋日本蕃薯仔。个煮蚬个汤好清甜，而且胡椒味几浓，几得意。蕃薯仔就$28一串，都成六七粒，几好咬口，抵食呀！main course我地就每人叫左一个饭，我就叫左个鱼生饭，我朋友就叫左个牛柳粒石锅饭。个鱼生饭既摆盘几得意，系一个心形，对番餐厅个名$98细细碗，铜锣湾黎讲一ｄ都唔算贵，同埋我岩岩食左ｄ小食，呢个Size岩晒女仔食！同埋细细碗都有唔同既鱼生，满足晒我咁多个愿望至于我朋友个石锅饭真系超大兜，重点系ｄ牛柳点多到满！偷食左佢一旧，又几林同埋几有牛香味呀～叫左咁多野食，加埋一每人都系二百几。食到呢ｄ质素黎讲，呢个价钱的确唔错。下次会再黎呀！
今日平日夜晚去，ｄ座位都算几阔落，一入去就有位喇！
例牌一坐底试试个刺身先，分别叫左五块三文鱼腩同舌拿鱼。个三文鱼腩劲肥劲正，食落好有油香。吞拿鱼就正正常常啦，几厚切既！
小食方面，我地叫左胡椒猪肚汤煮蚬同埋日本蕃薯仔。个煮蚬个汤好清甜，而且胡椒味几浓，几得意。
蕃薯仔就$28一串，都成六七粒，几好咬口，抵食呀！
main course我地就每人叫左一个饭，我就叫左个鱼生饭，我朋友就叫左个牛柳粒石锅饭。
个鱼生饭既摆盘几得意，系一个心形，对番餐厅个名$98细细碗，铜锣湾黎讲一ｄ都唔算贵，同埋我岩岩食左ｄ小食，呢个Size岩晒女仔食！同埋细细碗都有唔同既鱼生，满足晒我咁多个愿望
至于我朋友个石锅饭真系超大兜，重点系ｄ牛柳点多到满！偷食左佢一旧，又几林同埋几有牛香味呀～
叫左咁多野食，加埋一每人都系二百几。食到呢ｄ质素黎讲，呢个价钱的确唔错。下次会再黎呀！
张贴
