蠔站 (亮賢居)

营业中

休息中

因为要帮妈咪庆祝生日 就想揾一间有晒佢钟意食既野既餐厅 最后就book左大角咀既oyster station 地方唔算难揾 环境好有情调 好舒服 成晚都播住好好听既英文歌 侍应好贴心咁介绍个menu 我地叫左加拿大海胆 有配脆卜卜既紫菜 海胆本身好新鲜 好浓好香 一啲都唔腥 份量仲好多添 之后仲有叫个日既精选生蚝 南非产既 肉厚 唔重金属味 少少海水味 食到停唔到口所以最后有encore多半打 嘿嘿 热既starter 叫左蒜容包同crab cake 蟹饼个卖相有啲burnt 但食落无咩苦味 食到一丝丝蟹肉 真材实料既 不过大旧返少少就好啦 main course 叫左个带子蕃茄意粉同rib eye steak 两个都不过不失 无咩大惊喜 最后个甜品因为订枱讲左庆祝生日 餐厅好好帮我地系碟到写Happy Birthday 大家都好enjoy呢餐生日饭 一定会再返黎食海胆同生蚝！