竹園海鮮飯店 (已結業)

竹园属贵价而旧式酒楼, 原本都无谂过去食, 但之前听Friend 讲话佢个日本客请佢去果度食, 食到lam lam 脷, 所以上星期六就同家人落去呢间竹园到试下食晚饭, 叫左潮州翅, 芝士焗龙虾, 象拔蚌刺身, 菜, 鱼, 鸡等. 芝士汁配法式面包都系第一次食, 以往出面都系配伊面架嘛, 初时介绍都觉得系咪ok架咁. 但点知一食令我回味无穷呀, d 芝士汁真系好好味, 原来配面包都有另一番风味. 不过后来冻左, 就麻麻地, 但部长好主动问我地驶唔驶加番热, 估唔到有咁既service㖞. 值得一赞. 而潮洲翅就好"杰" 都系第一次食, 同其他汤翅既口感好唔同. 如果钟意清汤既话, 可能未必钟意, 但我自己钟意浓味, 就觉得OK. 不过系个鸡就差D, 而个蒸鱼就好滑. 无错果度系都好多游客架, 但我又唔觉价钱俾人揾笨呀. 因为我之前去开好LUCKY到食既, 其实价钱只系平少少, 但份量同材料质素及味道都唔及呢度, 所以SO FAR 我觉得都值既. 可能我钟意食野挂. 一定会再去. 嘻