潮窩 (已結業)

好友带我食好东西，去左红磡美食街食私房火锅🍲环境几靓，分成一格格咁，坐得阔落舒适。员工服务好好，几满意！佢有好多汤底都好吸引咁，最后拣左招牌汤底:卜卜蚬锅。呢个汤底真系好正，佢好足料，有好多只蚬，唔会话好细只，食落仲好新鲜无沙。而且佢落重左好多既蒜落去，够哂浓味，唔洗再沾豉油都够哂好味😋😋推荐！食哂啲蚬之后，就开始加汤打边炉喇🥰打边炉唔少得既肥牛🐂色泽花纹够哂靓既雪花肥牛，质素唔错。食落好重牛味嫩肉。手打四宝丸手打丸够哂弹牙鲜味，又几味㖞！每款都有两粒，最钟意食虾丸，够哂足料。手工韭菜饺🥟又唔错㖞，皮够薄，好多既韭菜酿入，食落爽脆惹味！平时食得多响铃都有啲厌，今次叫左紫菜响铃试下先。都几夹，紫菜同响铃都够脆，放落呢个汤浸一浸，够晒味道呀！仲叫左份油麦菜同大大个椰青解一解油腻。打边炉饮椰青真系好正，好清甜，佢连啲椰子肉都好易刮出黎食，好嫩滑。正😋😋