錦麗 (大埔超級城C區)

营业中

休息中

行开大埔超级城，都会见到依间餐厅每一日都好多人排队。今次我哋可能早放工啦，外边竟然冇人排紧队㖞，于是我哋两个就入去试吓啦！一入到间餐厅，牛味好浓郁！再望吓餐牌，原来全部粉都系有牛嘅。我地order咗两碗粉，一个系生熟牛肉粉，一个系牛丸粉。两碗都几好味㖞！我哋比较钟意佢嘅牛丸，好弹牙同埋好浓郁嘅牛味。佢嘅粉好滑，汤都好浓郁。另外，佢都俾一杯配菜俾你放入你嘅粉内，有啲香草同埋柠檬。我会好钟意柠檬汁嘅清香，唧落去之后更清新。到我哋食完之后大约七点钟，门口外边就开始多人排队。如果想食嘅记住早啲到，可能六点半前都唔使排队挂。