茶匠 清水一芳園 (已結業)

话说赖生今日要考试，写到手都软，一放学就即系去揾屈小姐啦 点知去到见到屈小姐拎住袋野，行埋去既时候，佢叫赖生估下咩野⋯赖生冇望到个袋其实印住《清水一芳园》，单凭袋野既重量就估系蛋糕~~~ 跟住屈小姐开估啦⋯⋯系赖生好钟意食既蕨饼！！仲要系抹茶味嫁！！！ 咁赖生就急不及待同屈小姐试食啦！未放入口之前，我地见到粒蕨饼好平均咁黏满左抹茶粉，净睇样都知好食，再闻一闻，好香浓抹茶味呀，一闻就知系会回甘既靓抹茶粉！第一粒既野，当然由赖生喂屈小姐食啦，一入口屈小姐对眼随即向上扬，嘴角微笑大赞：「只抹茶味好浓呀！」赖生就即刻食一粒啦！抹茶蕨饼 （4星）外形：一粒粒切好，平均黏满抹茶粉！好整齐！都好大粒嫁CP值： 一般，50蚊大约有20粒左右味道：一入口好浓郁既抹茶味渗入口啦，带少少甜，当食到喉咙既时候又有茶既回甘味！单论味道系正既！个蕨饼唔会好甜，食多几粒都唔会济！口感：佢唔似一般蕨饼咁in un，佢系in un 中带几分蒟蒻既质感，大约4成蕨饼，6成蒟蒻既口感，所以其实佢偏弹牙既，但赖生其实钟意食重in un既蕨饼多D 屈小姐会继续搜罗好味既蕨饼嫁啦不过都几好食既！多谢屈小姐成日都咁纵我#抹茶控#蕨