九里香茶餐廳

营业中

休息中

又嚟饭堂开餐，地方好热闹！依然爆场！今日好早食午饭，之前见同事食椒盐猪扒饭个卖相几好，今日咪叫来试下！因为唔太肚饿，所以叫店员多菜少饭！食物超快上枱，不过卖相明显同之前见嘅唔同了！通常椒盐猪扒系干身嘅！呢个睇落好湿！外皮唔脆！不过味道唔错，只系无咗椒盐干身嘅口感！猪扒切件，口感唔干，味道辣辣地，配爽脆椰菜一流！椰菜份量都多！味道好主要系个汁！不过无乜椒盐味！热柠水正常！我都有同好好笑容嘅店员讲，碟饭好湿，佢话可能因为我多菜，所以出多咗水！（咁虽然呢个解释未必合理，不过佢态度ok)食饭有时除了食物，服务都系一个好重要一环！食饭唔系为受气！我接受有时会失手！而呢度店员好健谈，记性好，做事勤快！仲会帮客人睇有无警察抄牌！真系十项全能！所以就算地方比较残旧！都好多人来食！