夏麵館 (已結業)

起初系圆方第一次食已经好耐之前嘅事，价钱合理，装修亦大方中国化，食物有诚意，好有心机，于是成日去食。 一开又多间，一开又多间，无论系九龙湾或者系东港城我都有食过，但已不如以前。 食物变得好「标准」，唔难食，但已经无特别、无「心」。 有时我觉得好可惜，好嘅食肆好嘅食物总系好难维持到，所以我有个习惯系遇到好嘅舖头，我会好快去食多几次，记住𠮶种味道。担担面，花生味唔够香，面条软硬度适中，汤底唔够辣!嫩鸡煨面，汤底浓味唔油腻，面条好味，唯独鸡肉份量好少!小笼饱，皮比较厚，但肉汁多，味道可以!雪菜肉丝炒年糕，年糕比较硬，好油腻!流沙饱就普普通通啦!