吉豚屋吉列豬扒專門店 (已結業)

一家人三大两少1830来到，攞票等位，十分钟左右入座， 坐张六人枱，桌椅唔迫，菜式以吉列为主，无小食，只系拣配嘅酱汁！落单后食物要耐心等待！ 滑蛋吉列猪扒饭（梅$49）滑蛋加猪扒无咁干，猪扒厚切有肉汁，珍珠米饱满弹牙，捞埋肉汁用豉油好味！ 吉列三重奏配乌冬（$75）一盘三款吉列食物，吉列虾好干身，肉唔够厚，豚肉饼饼身薄脆，猪柳香脆有肉汁！以咁大盘吉列食物，比嘅椰菜丝太少！太热气！ 吉列猪柳泡菜汤乌冬锅（$69）乌冬软滑，汤底香微辣，加上泡菜几爽口！唔错！猪柳香脆有肉汁！椰菜丝太少！ 椰菜丝（$9）椰菜丝切得幼细，蔬菜多汁，加埋芝麻酱酸酸地解腻！食物即叫即做，吉列一定热气！呢度以前椰菜及饭任添！而家要额外单点，以吉列咁热气嘅食物，佢跟餐比嘅椰菜根本唔够，变相要客人用多啲钱！唔系唔可以解腻！店员唔太积极，有少许呆！好多时叫到先做！我问佢问题，其中一个女店员要呆两秒先开口答我（我只系问佢想添椰菜） 另一个问佢攞碗仔，佢又系呆两秒先应人，啲碗底全部系水，要自己再抹一次！