金玉滿堂

营业中

休息中

12月中，圣诞节前，参加咗食团安排嘅晚餐聚会，想食呢间好耐，幸运地今次可以去试吓。我哋叫咗劲多野食，最推介有羊腩煲，叫咗大份，记得要成5百蚊，份量有比足，羊腩有少少so味，几好，大家普遍接受到嘅程度，肉质炆得够淋，又够入味。小炒皇，虾米够咸香，分量唔算多，够㶽气呀。鸡煲都好味，唔觉辣，应该系香港酒楼煮法，味道够浓，可以一试°糖醋咕噜肉，黄金珍宝虾球，焗美国桶蚝，呢3个都推介，惹味。其余的例如酸菜鱼，卤水鹅就相对普通啲。不过都系唔差。餐厅环境就好逼下，得10张枱上下，人手唔够不过佢哋都好好，尽量做同回应都快嘅。上菜速度都可以。始终地方逼，大家都系食完就走。