小神燈新派飯館 (已結業)

去开调颈岭见客做野，见有间小神灯开左系细商场果边，之前有听过朋友去做冬会去佐敦果间神灯话好正，好奇上网睇下小神灯有无关，原来系姊妹店所以夜晚收工约老婆同佢几个家人去试下。（因为外母外夫大人同佢呀哥成家都住日出康城过黎都算方便）首先想先赞下佢地个AR餐牌，真系第一次见可以用手提app睇到识郁既菜式，我地玩左一大轮觉得好搞笑，佢呀哥个女仲想摸下只烧鹅咁😅结果我地叫咗个黑松露烧鹅，因为平时都系食一般烧鹅，所以想试下新野，其实本身觉得有点贵，但咁多人share无所谓啦，结果真系无后悔！个皮劲脆同有松露香味，点埋个汁真系好正，我地好快已经ko左好多。另外个蟹糯米饭煲都好正，d饭有蟹鲜真系好难得。仲有菠菜豆腐盒、虾多士、水晶鸡都无一样觉得伏，无错唔系茶餐厅价钱，但讲真呢d手工菜系将军澳第一次食到，而家好多时食d中式野真系觉得好hea无心机煮，但呢度真系食得出一种心机，同埋创新之余仲要好食，香港真系越黎越少。但有样野好想弹一弹，个茶杯虽然好得意，但好细只呢🤣大只返少少就好啰。但个茶壶真系令我好有回忆！我细个屋食就系用呢只壶！