Serendib (已結業)

N年前喺FB玩game add嘅朋友T，中间都有见面交收7仔玩具，今日终于约出嚟食饭，朋友T想喺港岛区食，上openrice拣咗几间食店，最终决定试斯里兰卡菜店内环境好有特式，墙壁同櫈嘅图案原来系年轻嘅夫妻(老板同老板娘）亲手绘画我同朋友T睇完Menu都唔知系咩食物，我哋请老板娘为我哋介绍，佢话今日咖哩有鸡、牛、鱼、扁豆同青豆，我哋叫咗两款食物share蒸米粉配咖哩鸡～米粉微热配咖哩几好味，有小小似咖哩捞米粉咁薄饼配咖喱扁豆～原来唔系我哋谂𠮶款薄饼（薄脆𠮶款），呢款系软身嘅，咖哩扁豆香料味比较重，同埋我夹薄饼一齐食时咬到香料，唔知系豆蔻定其他香料，𠮶个味喺个口到散开好辛苦，唔知可唔可以用茶叶袋袋起比较细嘅香料先一齐煮呢👉🏻👈🏼，咪就可以避免到呢个小问题我哋最后都忍唔住叫埋牛肉角，超好味我哋倾到天昏地暗，见到其他人客走哂先如梦初醒，原来9:00啦！人哋收工啦！真系唔好意思，马上结账，多口问老板娘点解牛肉角皮唔同咗（openrice睇相），佢话因为有客人话之前𠮶款皮比较厚食咗已经半饱，所以而家改咗用春卷皮，重视客人嘅评论，再改进才有进步