Comebuytea (新達廣場) (已結業)

今日入大埔踩單車。踩單車之前想買杯台式飲品， comebuytea可以自己配搭，而且每杯茶都係即沖嘅 ，相對新鮮啲。因為我有選擇困難症，望到個餐牌要諗好耐。於是就係呢六款推介飲品裏面揀咗一款，費事用腦。 因為我自己好鍾意咬珍珠，所以揀咗“柴茶鮮奶珍珠”走糖走冰。 職員話柴茶個味唔係人人可以接受，於是畀咗個裝茶嘅樣本我聞，味道好濃沃，好似啲木柴燒過咁樣，最尾都試下新嘢。第一啖飲落去，柴茶味好濃沃，係印度茶嘅味，唔係平時飲開嘅港式奶茶味，茶味都幾特別。 珍珠好煙韌。