荳子 (馬鞍山廣場) (已結業)

Beans系西式餐厅同甜品为主，店内坐位舒适同阔落，之前都帮衬过几次，每次都想试北京烧鸭蒸包汉堡，但因为数量限定，次次都卖哂，今次终于俾我食到。北京烧鸭蒸包汉堡.薯条.新鲜沙律 $122烧鸭食落好腍而且有肉汁，好有鸭香，烧鸭皮都烧得好脆，亦都证明好新鲜，因为烧鸭皮放得落会变到腍啤啤，夹埋北京烧鸭专用嘅烧烤酱，好好食好野味。面包用中式包点嘅面包配搭烧鸭，面包食落感觉同系酒楼食叉烧包个外层几似，有面粉香同甜甜地。薯条新鲜炸起，外脆内软，炸得啱啱好。沙律就不过不失，始终唔系咁识欣赏沙津，食咗两粒番茄仔都几甜。呢个汉堡真系好特别，完全将平时食嘅烧鸭片肉再加烧肉酱连埋红萝卜白萝卜丝夹系面包里面，但食落又真系几夹。推介大家。