琥酌 (已搬遷) 新店位置

朋友介绍话尖沙咀有间餐厅食吉列牛几好食，我觉得又几得意既情况下就黎左试啦。牛吉列盛合吉列猪排就食得多，吉列牛我都系第一次。 个牛吉列盛合仲跟一个好精致既烧炉，将d牛放上去烧10秒左右就食得。烧完之后会见到d肉仲有少少红色，呢个时间系岩岩好，外面个皮酥脆，但入面肉质仲系好嫩滑。烧舞茸海鲜汤个器皿又系非常精致非常靓，滴两滴青柠汁， 先夹起壶内既海鲜慢慢食， 再饮一啖汤， 舞茸的香味完全渗入汤内入面，令人回味无穷。炸豆腐呢度d炸野我发觉系一流，一样外皮超酥脆，而且一d都唔厚粉，入面豆腐系嫩滑到入口即溶，超正。烧多春鱼表面烧到金黄色， 鱼骨非常煎酥，肉质亦好嫩滑，加上满肚既鱼籽，味道十分鲜美。餐厅坐落都几阔落几舒服，而且系会根据食客食野进度出菜，非常贴心。而且吉列牛真系几特别，我觉得黎试下都无妨。