小時光 (已結業)

今日礼拜日同男朋友去观塘揾嘢食， 一直都知道有间装修好特别嘅台湾菜，但系上次系附近玩boardgame只可以叫外卖，今次就嚟见下佢嘅真身😅我哋叫咗一个卤水拼盘，红烧牛肉面，肉松蛋饼同埋一杯热嘅黑糖奶茶～个卤水拼盘超丰富，有猪耳，鸡翼，豆干，海带， 萝卜同埋鸡蛋，个卤水汁偏甜，猪耳超级爽，鸡翼入味但系又唔会淋到太烂， 萝卜就好淋好入味冇渣👍红烧牛肉面伴有腩同筋，店舖话系炖咗两日淆制而成， 好香牛味，牛筋好淋， 面条嘅质地同平时食开嘅好唔同，比较实，几特别肉松蛋饼个外观几靓， 里面有肉松，芝士，紫菜，几丰富，肉松入口即溶，蛋皮煎得几薄👍杯黑糖奶茶入口滑，唔会太甜，黑糖味又唔会掩盖咗茶嘅香味，唔错👏呢间餐厅嘅装修就好似返咗去小学中学咁， 都几特别，值得我呢啲同中小学有段距离嘅人返去回味一下🙈