麵麵 (已結業)

香港工作时间真系好长，返到黎成六点，懒得煮饭，近近地就去左呢间用鱼做主题既餐厅。餐厅系呢栋美食大厦既一楼，行楼梯可到。门面相当有特色，系清新时尚既风格。疫情期间仲有信封比你放口睾，好贴心。坐低左先送每人一小杯浓鱼汤，系佢地既招牌，比你试一试味，又几好㖞。睇睇餐牌，晚市有套餐。我地唔谂咁多，就叫左两set晚餐同一个小食。D杯碟都几靓。西班牙烟熏黑毛猪鱼汤料理。我地拣左鱼乌冬，个乌冬咬落好烟韧，好似鱼蛋果种质感，好特别！配上浓浓鱼汤，好夹，加埋重口味少少既黑毛猪，吊到个鲜味出黎，不错！极上蟹匠伴鱼乌冬。大大旧蟹膏放系上面，捞匀佢黎食，每一啖都百感交杂，蟹既味道非常浓郁，配埋弹牙既鱼乌冬，满足感爆棚！鱼皮饺子配柚子汁。有成五旧咁多，食落好似菜苗饺咁，不过个鱼皮就烟韧D，唔错。