廚魔 (已搬遷) 新店位置

当晚同朋友去咗厨魔，本身已经好想食呢间，因为佢系一间好有特色嘅分子料理食肆。餐厅内嘅间隔都算宽躺，我哋被安排咗其中一间房，内有三至四张枱。整间餐厅嘅布置都颇有特色。当晚我哋叫咗个套餐。最令我有深刻印象嘅系一开始佢先会比消毒毛巾俾你抹手，但消毒毛巾出场嘅方式好特别，我初初以为系什么食物，因为佢系一个盘里面有晒干冰有晒气咁出场，再加埋花露水，非常壮观。店员服务非常好，每道菜佢都先会叫我哋估下，睇下食唔食出系甚么味道。因为食物嘅味道同外观系完全不一样的，系两码子嘅事。当我哋每食完一道菜，佢就会同我哋开估，而且亦都会详细解释佢嘅来源及意义。而确实每道菜都非常好食。每只碗碟嘅款都好靓，亦都好有特色，好特别。最后仲有怀旧嘅瑞士糖及椰子糖，俾我哋带走。各样野都睇得出依间餐厅嘅老细摆咗好多心思落去，真系值得一赞。