鳴虎 (馬頭圍道) (已結業)

今日路经土瓜湾，见呢度个商场入口已好吸引。而门口呢间鸣虎就劲多日式灯笼，好似去左歌舞伎町咁，所以就决定入去试下。坐底佢就上左杯冻既玄米茶先。实在太好啦，都好日式。因香港多数都系比热茶，而佢会比冻既，一来好日本，二来好贴心，而家咁既天气，真系好窝心。因为太热，唔想食饭又唔想食都，就叫左个汁烧黑豚肉眼扒定食。好特别，竟然会有扒类既定食系日式舖。因为定食，佢都有跟个汤，唔系面豉，而系菇。一黎到已好香菇味，再饮落佢就然有3种菇黎煮，好用心同足料。冰凉既胡麻豆腐，食落好清爽舒服。佢个扒跟菜沙律同薯条。个沙律菜意外地新鲜，又多，好似另外叫左个沙律咁。而薯条都唔系一般既薯条，厚身啲，脆得黎又好咬。个黑豚肉眼都好正，半肥瘦，好好味，而肉汁同酱汁都夹得啱啱好。最后食埋个北海道牛乳配十胜红豆布甸，好满足。牛乳布甸够嫩滑，同十胜红豆真系绝配。