聚點坊點心專門店 (已搬遷) 新店位置

呢间聚点坊，喺上环呢头都有十年八年，睇住佢由细舖搬大舖，最近再开多间店添，喺上环咁多茶楼嘅竞争底下，都可以做得咁好，真系好犀利！佢间中都会推出新产品，所以我都会keep住去帮衬！😪其实呢度服务真系麻麻，唔知系咪平时太忙或者系做得太耐，呢度嘅楼面讲嘢真系好大声，而且当我催食物嘅时候，佢哋净系叫我等，睇到根本冇帮我跟进，最后到食晒啲嘢仲未嚟，就唯有取消😪🌟今日食咗🌟鲍汁凤爪🌟豉椒排骨蒸陈村粉🌟鲍鱼烧卖🌟招牌糯米鸡水准依旧咁好味，新产品都冇得输～特别值得一题，系个鲍鱼烧卖，虽然粒鲍鱼只有手指公大，但系烧卖绝对童叟无欺，虾同猪肉嘅比例好平均，而且咬落去咇汁，值得一赞👍