大阪李朝園 (已結業)

识嚟呢度系喺Facebook见有朋友打咭，今次同friend一行两个女仔试下先！呢日我地9点先嚟所以唔使等位... 章鱼小丸子$128首先店员会示范一次烧几粒我地睇，之后就靠自己啦！个浆算系刚刚好落满18个洞，而章鱼份量有限，不能贪心想一粒加太多~其他蔬菜类配料反而好够啊如果多d章鱼就更加好啦！大概烧5分钟左右，中间的章鱼丸先熟要先反旁边嘅要等多三四分钟先熟建议大家一开始一定要加够油，唔系反唔到啊！系唔系烧得好靓呢！其实我地叫左2次，因为第一次烧得唔好，店员见我地两个人食2次都吓左一跳！讲返味道，其实正正常常无乜特别，不过系几好玩！另外我地散叫左沙律同小食，挂住玩无影相。虽然未必会经常嚟食，不过今次系唔错嘅经验。