道頓堀御好燒專門店 (荃灣廣場) (已結業)

之前起广岛同大阪分别食过道地嘅广岛烧同大阪烧，但就冇试过自己亲手整𠮶种文字烧，估唔到返香港有，特登同小朋友去试，小朋友好兴奋，有得玩有得食，打卡一流，煮嘅过程大人同小朋友有倾有讲几开心。成品味道其实都估到，咪就系将粉浆同蛋同海鲜同肉同菜等等炒埋一齐嘅味，不过系体验性高嘅，尤其如果一家大细嚟玩/食，真系值得到此一游。唯独系希望店家就室内温度同通风方面再谂谂办法，对住个铁板真系好热，同埋个抽风系统真系有待改善，一路食一路吸油烟都算，食完会成身油烟味真系唔系好方便行街。。。仲有就系请多几个伙记，咁大间餐厅得2，3个人打理楼面真系唔系咁好，我见好多枱客人要举好多次同好耐手至有人帮佢地，真系好影响进餐体验。