炑八韓烤親子餐廳

营业中

休息中

🎃就嚟到万圣节，又同小朋友去咗波波池餐厅玩啦！今次万圣节又转咗新嘅餐牌，入面嘅布置都充满住万圣节气氛，好正呀！🥳👶🏻今次可以自选万圣节主题儿童餐一份，小朋友就拣咗企鹅男爵与骷髅共舞全日早餐，入面有热香饼，汉堡扒，紫薯条等等嘅配搭，小朋友话热香饼好松软好好食😋🥩韩式烤腹胁肉烧肉就叫咗牛腹胁肉，佢已经腌好咗唔使再调味，烧完真系好惹味，肉味香浓又唔会韧👍🏻🐟鳗鱼半份我哋仲叫咗半份鳗鱼一路烧一路加啲烧汁，烧完超级香脆可口，好正😍🐮惊吓幽灵南瓜焖牛肋骨牛肋骨炆得超淋，出面仲有炆到好淋嘅萝卜，热食嚟讲算系几出色，啱晒秋凉天食😋🥭芒果Oreo幽灵派对沙冰呢个配搭几有趣，芒果沙冰打得好幼细，加埋oreo一齐几得意，食完烧肉口渴饮就啱晒！🍨万圣狂欢雪糕窝夫个人最钟意呢个雪糕窝夫😍窝夫好软绵绵，啲忌廉同埋雪糕配合得好好，加埋一齐食真系超正，令成餐饭划上一个完满嘅句号。