影片
更多
2021-11-14
62 浏览
秋天凉凉地成日想烧烤，之前见人介绍旺角呢间懒人串烧放题，就即刻book位去试试先~放题时间两个钟，系任食任饮。店面唔大但位置好舒服，全部都系卡位。店铺哥哥好nice，一坐低就同我地详细讲解点样烧， 而且即刻送上一盘肉类串烧过来先，入面有几款牛同猪嘅串烧，可以一边烧一边谂食咩，真系好好服务。每个串串都有一个小齿轮，对啱位放入炉就识自己转，好方便。台面仲会有一张卡写左每样食物嘅建议烧烤时间，真系几贴心。呢度酱料同调味粉选择特别多，首先有日式烧汁，可以搽向半熟嘅串烧上，另外仲有泰式鱼露、韩式梨汁烧烤酱、海盐、孜然粉、椒盐同串Grill辣粉。我就最钟意串Grill辣粉同孜然粉。饮品方面，试过蜜桃乌龙茶同黑豆浆都好好饮。串烧食材质素唔错，肉类同蔬菜都好新鲜。肉类方面，我钟意M5和牛牛柳，入口好腍，油脂量刚刚好，加埋串Grill辣粉好惹味。 另外羊卷肉加孜然粉、鸡中翼加椒盐亦都好正~蔬菜类嘅话，可以加海盐自制盐烧秋葵、脆肉瓜同冬菇。烧菠萝同日本番薯仔就咁烧都超甜。不过最惊喜嘅系烧棉花糖同鸡蛋仔，可以烧到外脆内软，然后配埋免费赠送嘅Haagen-Dazs雪糕一齐食。所以记得要order左棉花糖同鸡蛋
放题时间两个钟，系任食任饮。店面唔大但位置好舒服，全部都系卡位。
店铺哥哥好nice，一坐低就同我地详细讲解点样烧， 而且即刻送上一盘肉类串烧过来先，入面有几款牛同猪嘅串烧，可以一边烧一边谂食咩，真系好好服务。
每个串串都有一个小齿轮，对啱位放入炉就识自己转，好方便。台面仲会有一张卡写左每样食物嘅建议烧烤时间，真系几贴心。
呢度酱料同调味粉选择特别多，首先有日式烧汁，可以搽向半熟嘅串烧上，另外仲有泰式鱼露、韩式梨汁烧烤酱、海盐、孜然粉、椒盐同串Grill辣粉。我就最钟意串Grill辣粉同孜然粉。
饮品方面，试过蜜桃乌龙茶同黑豆浆都好好饮。
串烧食材质素唔错，肉类同蔬菜都好新鲜。肉类方面，我钟意M5和牛牛柳，入口好腍，油脂量刚刚好，加埋串Grill辣粉好惹味。 另外羊卷肉加孜然粉、鸡中翼加椒盐亦都好正~
蔬菜类嘅话，可以加海盐自制盐烧秋葵、脆肉瓜同冬菇。烧菠萝同日本番薯仔就咁烧都超甜。
不过最惊喜嘅系烧棉花糖同鸡蛋仔，可以烧到外脆内软，然后配埋免费赠送嘅Haagen-Dazs雪糕一齐食。所以记得要order左棉花糖同鸡蛋仔先上雪糕呀。
张贴
