CHIC Italian Cuisine and Oyster Bar (已結業)

今日约咗朋友喺尖沙咀食午餐，女仔都系钟意「食环境」嘅，所以我就拣咗一间有情调嘅西餐厅CHIC。经过电梯，再搭餐厅专属嘅升降机就会到达餐厅，感觉几有格调。有露天同埋室内座位选择，室内俾人嘅感觉悠闲啲，而室内就高贵啲。周围挂满趣致嘅卡通人物画，好得意呀！午市套餐有＄88至到＄148不等，包沙律或者汤、主菜、甜品、餐饮。以呢一个环境同地段来讲性价比高！顾名思义the oyster house当然少不了蚝，蚝汤味道好特别，鲜甜得黎有别于一般贝壳类水产，好特别！我叫嘅主菜系炖澳洲和牛脸颊。炖脸颊比起其他部位松软滑嫩得黎唔会好多肥膏。而且好入味，一定用左好多香料烹煮！下面嘅薯蓉同样好味，薯仔味好突出，有少量薯仔粒增添口感。主菜好满意，甜品都几好味！是日嘅甜品杯好有层次，依次序系朱古力饼碎、moose同埋奶冻。moose嘅味道有少少似酒同埋passion fruit味，好复杂。