南國紅豆餅 (已結業)

太安楼多小食店就人人都知，近月就新开左间卖红豆饼既小店，好奇既我收工试一试佢。味道除左红豆外，甜味既重有吉士同香芋，咸既有。。。自己睇相 话明红豆专卖店，第一次当然系试红豆味先，如是者等左5分钟就有得食。(佢厨房系一般小食店既开放式，可以睇住佢点整同埋饀足5足)外观就系比日本车轮饼细少少，但攞上手手感好软下，一咬落去都系好软身，唔干身，几好; 可惜我觉得外皮味淡，红豆馅亦偏淡(虽然用一粒粒红豆做饀，而且食到有红豆既原味，不错，就可惜我个人爱偏甜既红豆)。简单总括黎讲，钟意甜既会同我一样唔满意，口味偏淡既会觉得不错。老老实实，宜家咁既时势，12蚊一个红豆饼，我觉得都算正路(始终算多饀，但可以降1至2蚊会性价比高多dd),但可惜味道不合我。