易食 (已結業)

又去接老公收工，顺便喺佢公司附近撑台脚，睇openrice见到呢间新开嘅餐厅啲食物卖相几吸引，就一于试吓～餐汤——黑松露野菌忌廉汤、红菜头苹果汤黑松露野菌忌廉汤非常足料，入口啖啖菇菌蓉，香味浓郁；红菜头苹果汤好有惊喜，平时冇咩机会饮到，红菜头味道清甜，苹果蓉令个汤多咗份口感，成个配搭清新又美味。水牛城鸡翼（6只）水牛城鸡翼味道酸酸辣辣，再点埋个咸香浓稠嘅蓝芝士酱，好夹好惹味香煎盲曹鱼柳配薯蓉盲曹鱼柳煎得啱啱好，肉质结实嫩滑，外皮香脆；伴碟嘅炒杂菜同薯蓉都有诚意，鱼柳下面紫色𠮶啲就系紫薯蓉，好滑好有紫薯味，正到我哋想再添西班牙猪鞍扒猪鞍扒又系煎得好好，肉质松软有弹性，仲留有肉汁，好腍好juicy！个扒本身煎得够靓，配啲简简单单嘅调味已经好好食。意大利香滑柠檬雪糕强烈建议大家再饱都要留肚食甜品，呢个雪糕软绵奶滑，酸酸甜甜非常清爽，为呢餐出色嘅西餐画上圆满嘅句号最后想赞吓呢间餐厅每道菜都好够热，所谓见微知著，餐厅重视食物嘅温度，都系对食物、食客嘅一种用心同诚意。餐厅嘅门面装修比较平实，但每道菜嘅摆盘都有巧思，每份出品都色香品俱全，绝对值得再嚟支持帮衬