Ice Puff

营业中

休息中

鸡蛋仔系香港嘅地道小食之一，周围都食得到。至于嘴刁嘅我，小舖又试过有名气嘅亦都试过，而Ice puff真系值得推介。鸡蛋仔款式虽然唔多，但有几只味唔系周围都有。之前试过洋葱咸牛肉鸡蛋仔，但揾5番幅相。如果你喜欢食蛋牛冶的话，你一定会觉得好味，不能解释更多！呢个系榛子花生鸡蛋仔，极力推介！本来我以为就咁榛子花生酱味，点知食到花生粒。又以为系粗花生粒，点知食落系细细粒嘅花生。蛋香味浓，而榛子酱唔会好甜，幼细花生粒好有口感。芝士味鸡蛋仔，正！蛋同芝士味都各有千秋，好香！外脆内软，味道好夹，但对于芝士控嘅我泥讲，如果芝士再浓啲就perfect！同店主倾左两句，发现佢好细心，成日都会谂唔同嘅材料去配搭搅搅新意思。真心喜欢呢种有heart嘅小店。