Messina iL Ristorante (已結業)

听朋友之前Restaurant Week 试过唔错所以我黎呢间餐厅。一入到去见到无敌大海景，同埋佢每抬相隔好宽阔，等人坐得舒服享受食物。侍应每黎一样野都会介绍下有咩特别，等人客食O个时可能多D留意。个set包头盘，主菜，甜品，餐饮$248，碟碟份量都唔大，排得精缴为主。但唔驶怕唔饱，因为侍应会不停REFILL 一罗包，入面有4到5款包，好香面粉味。另外仲有一只杯装住蕃薯干同埋几条食落口好似百力滋O既东西，呢只杯亦都会不停REFILL，个蕃薯干又脆又有淡淡蕃薯味，好似食紧蕃薯味薯片，推介。食物质素头盘露笋汤 – O甘大个人第一次饮呢款汤，个汤煮得好结好厚，同埋D露笋味O岩O岩好。主菜炉鱼 –炉鱼点个泡同绿色底汁食，PAT 泡好快会缩，所以要快D点黎食，其实PAT 泡味道偏淡，我觉得似蔬菜味。绿色底汁个味同泡系相似，不过个味道就浓D。炉鱼皮煎得好香，条鱼亦都食都鲜味同唔腥。伴碟D菜有少少调味但唔会好强，食得出本身O既菜味。甜品杂果加梨雪芭 - 梨雪芭味道同一般食开雪芭差唔多，唔会觉得好出色。杂果丝浸住O左淡淡O既糖水，无令D生果变到好甜，夏天食落好凉快D，但令唔同生果个味因糖水变到有D似。