影片
更多
2024-07-22
149 浏览
一間位於銅鑼灣嘅燒肉餐廳Yakiniku Kakura, 聽講喺呢度可以食到啲好好味又高質嘅牛肉，今晚一於嚟呢度試吓！首先我哋叫咗鹿兒島和牛他他來做前菜，生嘅牛肉真係特別鮮甜！呢個真係必試，再加上蛋黃同埋香蔥，令到佢嘅香味更加提升。另外佢仲有少少洋蔥增加咗佢嘅爽脆度，呢個他他真係好開胃。然後就到重頭戲！首先係鹽味上牛舌，呢個牛舌比一般嘅牛舌更加厚身，佢嘅口感更加爽脆彈滑。然後呢間餐廳必食嘅係大判燒黑毛和牛西冷！見到佢嘅油脂分布好平均，會有職員幫手燒，真係燒得好靚！佢哋首先會問吓想食生啲定係熟啲，佢哋會按着客人嘅需要作出調整。大判燒真係睇得又食得，可以睇住職員嘅表演，然後又有味蕾嘅享受！燒完嘅牛肉會配月見汁，本身已經好重牛味，再加上蛋香令到成個味道更加提升。另外黑毛和牛裏腹牛柳都好好食㗎 ！佢嘅份量好多有成120 gram，首先要燒到表面好焦脆，然後再將佢切開再煎，佢嘅肉味好重，但係同時保持口感嫩。最後一定要叫嘅係黑毛和牛腹前小排！佢嘅油脂分布得好平均，全牛肉都係粉紅色，只需加上鹽同埋黑椒就可以食得出佢本身嘅味道，燒完之後一放入口，佢嘅油脂溢晒出嚟每！每次燒完嘅牛肉都會放上佐賀紫菜飯一齊
首先我哋叫咗鹿兒島和牛他他來做前菜，生嘅牛肉真係特別鮮甜！呢個真係必試，再加上蛋黃同埋香蔥，令到佢嘅香味更加提升。另外佢仲有少少洋蔥增加咗佢嘅爽脆度，呢個他他真係好開胃。
然後就到重頭戲！首先係鹽味上牛舌，呢個牛舌比一般嘅牛舌更加厚身，佢嘅口感更加爽脆彈滑。然後呢間餐廳必食嘅係大判燒黑毛和牛西冷！見到佢嘅油脂分布好平均，會有職員幫手燒，真係燒得好靚！佢哋首先會問吓想食生啲定係熟啲，佢哋會按着客人嘅需要作出調整。大判燒真係睇得又食得，可以睇住職員嘅表演，然後又有味蕾嘅享受！燒完嘅牛肉會配月見汁，本身已經好重牛味，再加上蛋香令到成個味道更加提升。
另外黑毛和牛裏腹牛柳都好好食㗎 ！佢嘅份量好多有成120 gram，首先要燒到表面好焦脆，然後再將佢切開再煎，佢嘅肉味好重，但係同時保持口感嫩。最後一定要叫嘅係黑毛和牛腹前小排！佢嘅油脂分布得好平均，全牛肉都係粉紅色，只需加上鹽同埋黑椒就可以食得出佢本身嘅味道，燒完之後一放入口，佢嘅油脂溢晒出嚟每！
每次燒完嘅牛肉都會放上佐賀紫菜飯一齊食，紫菜飯入面都有包埋雞蛋，牛同埋蛋黃嘅配搭真係好好match啊。而家仲做緊Suntory啤酒買一送一，唔好錯過！
张贴
