Natural Chiffon

营业中

休息中

为咗提早庆祝父亲节，放工特登去买咗几件精致嘅蛋糕，早前喺社交平台见到呢间饼店嘅蛋糕图片已经觉得好吸引，今日终于有机会食，饼店位置方便，好近地铁站。今次拣咗三款蛋糕，有选择困难症嘅我，真系实在太难拣啦，因为饼店有成几十款咁多，最后拣咗绿茶,荔枝红桑子，柠檬。三款蛋糕都唔太甜，绿茶食落有香浓嘅茶味，用料十足。外型精致，睇得出师傅用咗好多心机去整。荔枝红桑子系时令嘅款式，味道好特别，隐约嘅荔枝味好适合夏天食。柠檬味一啲都唔酸，反而有阵阵嘅柠檬香味，令人越食越想食。其中一样最紧要嘅系，蛋糕用料天然，食多几件都唔惊。最后值得一赞嘅系蛋糕个外卖盒，非常稳阵又好拎，我拎咗两个钟 返到屋企个蛋糕都完全冇移位。