○de▽ 鯛白湯らーめん (電氣道)

营业中

休息中

好睇又好食嘅仙气沾面🤩|新派人气高玩味度鲷白汤拉面🐟🍜| ○de▽ 鲷白汤らーめん「天真得只有你，令神仙鱼归天要怪谁」之前都有帮衬过同集团嘅其他拉面，食物出品水准都唔差，听朋友讲中环店长期都大排长排长龙，近日就嚟试下依间天后嘅分店食lunch，中午12点左右到达，已经见到小小人龙，等待约十分钟就安排入座。鲷沾面 4.25/5⭐️餐牌上只有三款选择，分别系鲷白汤，鲷清汤，鲷沾面，今次我就拣咗鲷沾面，沾面上枱果阵非常夺目，打卡度极高，因为厨师系碗底放左干冰，令到成碗沾面好似比仙气围绕咁，打卡一流。相机食先之后，干冰烟雾亦慢慢散去，先试鲷白汤，汤头浓郁之余亦有鱼鲜味，但又唔会死咸，几满意。而餐厅用左类似刀削面嘅波浪形面条，令到面条更加挂汁，细心位抵赞加分，而汤入面亦有切粒叉烧同鲷鱼粒，增加口感之余味道亦正常水准发挥，主要精髓都系面同汤嘅结合。–总结:餐厅只供应三款面同少量小食，相信都对自己出品有信心，今次只系试左鲷沾面，上枱虽然非常吸睛，但都有少少担心会唔会好睇唔好食，不过最后味道亦有惊喜，汤头浓而不腻，面条挂汁力高，令人满意，下次亦会试下其他两款同小食。==== ○de▽ 鲷白汤らーめん(天