影片
更多
2021-02-11
837 浏览
众所周知汇景商场有两间寿司店，呢一间系相对地新开嘅，之前行过几次都见到佢，但一直冇机会试，大年三十亲佢收炉前去帮衬试下，呢间嘢主打火炙芝士，个人最爱芝士咁就谂住应该冇死啦，可惜同期望差太远。先讲火炙芝士三文鱼刺身20蚊两件，睇价钱其实算抵，不过都真系几细件，两件加埋大细大约一包tempo纸巾啦，做法系喺三文鱼中间开窿塞咗嚿芝士落去，但系一食入口成口都系㶶味，三样嘢食完全唔夹，㶶味+好水嘅三文鱼味+芝士嘅咸味，鱼生嘅质素先唔作评论啦，最严重系入口到吞落肚完全得㶶味之外我乜味都食唔到，仲要两件都系咁。之后系火炙芝士三文鱼腩刺身24蚊两件，大细就畀芝士三文鱼刺身大少少咁，一样系中间开窿塞一嚿芝士落去，今次好啲啦完全冇㶶味嘅问题，但同样都冇三文鱼腩嘅味道，好似食紧白水煮鱼咁打边炉𠮶只但冇汤底，完全冇三文鱼腩𠮶种油香，争鲜嘅三文鱼腩寿司都好过佢，我食完第一件之后将第二件入面嘅芝士挑出嚟食就算，件鱼我冇掂过。再嚟汁烧厚烧玉子同汁烧芝士厚烧玉子，招牌菜10蚊件同15蚊件，做法系喺玉子中间切开，然后加料入去上面落酱汁然后火炙，卖相靓香味都够，但食咗第一啖之后就觉得好腻，之后就越食个汁就越咸，两款都系咁
先讲火炙芝士三文鱼刺身20蚊两件，睇价钱其实算抵，不过都真系几细件，两件加埋大细大约一包tempo纸巾啦，做法系喺三文鱼中间开窿塞咗嚿芝士落去，但系一食入口成口都系㶶味，三样嘢食完全唔夹，㶶味+好水嘅三文鱼味+芝士嘅咸味，鱼生嘅质素先唔作评论啦，最严重系入口到吞落肚完全得㶶味之外我乜味都食唔到，仲要两件都系咁。
之后系火炙芝士三文鱼腩刺身24蚊两件，大细就畀芝士三文鱼刺身大少少咁，一样系中间开窿塞一嚿芝士落去，今次好啲啦完全冇㶶味嘅问题，但同样都冇三文鱼腩嘅味道，好似食紧白水煮鱼咁打边炉𠮶只但冇汤底，完全冇三文鱼腩𠮶种油香，争鲜嘅三文鱼腩寿司都好过佢，我食完第一件之后将第二件入面嘅芝士挑出嚟食就算，件鱼我冇掂过。
再嚟汁烧厚烧玉子同汁烧芝士厚烧玉子，招牌菜10蚊件同15蚊件，做法系喺玉子中间切开，然后加料入去上面落酱汁然后火炙，卖相靓香味都够，但食咗第一啖之后就觉得好腻，之后就越食个汁就越咸，两款都系咁，虽然玉子整得好香好嫩，但个酱汁完全破坏咗佢，个人认为纯粹系酱汁配搭上唔得，因为佢个玉子本身个味已经好足够，甚至可以话好好食，又够香甜同时有啲咸香味，可惜。
最后系芝C三文鱼卷27蚊四件，size睇相，同普通卷物一样做法，但系就同佢畀出嚟嘅相同实物真系差好远，menu上面嘅三文鱼系大旧啲嘅，但系我食嘅呢份呢，中间全部都系青瓜，得三分一系三文鱼，然后再睇下我啱啱所讲嘅size，你就知道其实有几咁少，旧饭上面系一块火炙芝士，烧得确实系几香嘅，同埋味道上系我呢一张单入面所有嘢食中，配合得最好嘅。
讲真食完之后有啲失望，食材上嘅配搭其实冇错，但系做出嚟就系唔好食，可能系佢今次嘅入货质素比较差，火炙三文鱼又㶶又好水，三文鱼腩冇油香味，酱汁都比较重口味，10件寿司用咗96蚊，讲真我觉得好唔抵食返争鲜算数。
66 浏览
0 赞好
0 留言
张贴
