L'attitude (已結業)

食完串烧后唔太饱，所以附近揾左简有主菜又有甜品既餐厅，门外玻璃柜摆放各式各样饮品、食品模型，造型特别吸引我地入去。🍝梦幻温泉蛋卡邦尼意粉 $88食落味道同普通卡邦尼意粉分别不大，但粉色既意粉真系第一次食，好梦幻。🥗带子芒果他他 $98分量好大，而且色彩鲜艳，有黑松露、带子、蔬菜、蟹肉、牛油果同芒果一层层砌成正方形盒，非常吸引。无哂海胆转左做带子，被切开左一片片，尚算鲜甜。蟹肉分量太多，偏咸左少少，周边伴上三文鱼籽增添口感。胜在底层有幼滑Creamy既牛油果、香甜芒果肉，好食，加哂分。🍟薯条 $58薯条即叫即炸，偏脆一点香口惹味，特别在于薯条有唔同形状，有粗、幼、尖、方形、波浪形，有别于出面食开一式一样。🍹蓝柑奶昔 $46面层系一大球棉花糖，造型独特，呃LIKE之选。奶昔上层有少量牛奶雪糕，香滑奶味重，都几好食。另外奶昔呈粉蓝色，好梦幻漂亮。微微柑桔味，甜度适中，我超钟意。☕️皇家伯爵鲜奶茶 $38 另外叫左杯热既伯爵奶茶，饮起来好顺口，飘散出淡淡伯爵茶香味，茶味与奶香比例刚好，除左细杯左少少外都无野好挑剔，好饮。