全日點喫茶店 (已結業)

朋友喺呢间cafe学日文，都喺度食过lunch知道食物质素唔错，见圣诞2人餐都只系三百几蚊，于是就订位试吓。杂菜汤好足料，劲似住家汤，估唔到楼上cafe嘅餐汤会咁有诚意。大大碟主菜已包括牛肉饭，炒公仔面，炸蚝，蜜糖鸡翼，西兰花薯仔沙律，最特别系牛肉同汁系用个pancake兜载住再用蛋盖住，店员话呢个叫林氏盖饭，咁多嘢最好味系牛肉饭，薯仔沙律同鸡翼。另外encore蒜蓉鸡翼，都好味，但都系蜜糖鸡翼最好味呢杯苹果梳打好清新，又有果肉，正!食埋甜品饱晒，好满足。食物唔错，价钱唔贵，店员好nice，仲会教人点玩啲game，有日本电视节目睇，唔会赶人走，虽然唔算装修得好靓嘅cafe，但都已经好满意。